Nova musica grischuna - Any Sabadi cun in satgados plain musica nova

Any Sabadi è musicalmain per l’emprima giada dada en egl (ed en l’ureglia) durant il «bandXost 2019» nua ch’ella ha fatg il terz plaz. La chanzun tar quest success ed ina ch’ins auda anc fin oz tscha e là en ils radios è «It’s About». Sin tribuna è dà en egl il plaschair, l’energia e la loopstation. In pitschen apparat che lubescha ad ella d’esser chantadura, band e background chantadura en ina persuna. Ina spezialitad ch’ella ha, ch’è daventà in segn da marca.

Chanzuns sco affirmaziuns

Sin la EP «Rucksack» sa chattan sis chanzuns. Da quellas di la chantadura sezza chi reflecteschian sia persunalitad e sias caracteristicas. Sco ella senta quai savens sezza datti sin quella EP muments ruassaivels sco era muments selvadis. Muments pensivs e muments da rir. Las chanzuns tractan patratgs dal mintgadi, duajan dar curaschi e mussar ch’igl è ok dad er ina giada esser malsegir ubain «avair la glina» (silly). Quels messadis vegnan purtads da melodias che varieschan medemamain tranter rauc, dir ed allegher e lev.

Dumonda per dumonda tras l’EP:

Cun «Rucksack» ha Any Sabadi mess ensemen in sammelsuri da chanzuns cun differents temas, geners e sentiments ed uschia pachetà ses viadi musical dals ultims onns en ina schiba cumpacta.