Dumengia ils 20 da mars 2022, precis a las 16:33 uras, ha cumenzà la primavaira astronomica. Per la meteorologia cumenza la primavaira mintg'onn gia cun chalanda mars. La natira sa sveglia gia dapi in temp da sia sien d'enviern. Ils dis vegnan pli lungs, la naiv lieua era en ils auts, las chaglias chatschan lur brumbels ed er ils praus vegnan plaunet verd. Quest temp da nova energia, nov plascher da vita ha er inspirà (ed inspirescha anc adina) er poets e poetas rumantschas da scriver. Questas poesias han cumponistas e cumponists mess en chanzuns. Ina schelta da quellas preschentan divers chors da l'entir chantun Grischun.
En noss archiv da musica èn da chattar nundumbraivlas registraziuns da chors - en spezial chors rumantschs e grischuns.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.