Ils da Gossau numnan lur festa da chant in festival. In lieu nua ch’ins po tadlar ina retscha chors en baselgias, en ina tenda da circus ed or en il liber. I duai esser ina festa nua ch’ils chors chantan communablamain e betg in cunter l’auter. Perquai hai er dà l’acziun «chorpuzzles» nua che differents chors han retschavì tocs da puzzles. Durant il festival èn quests chors s'inscuntrads ed han uschia emprendì d’enconuscher chantaduras e chantadurs da l’entira Svizra.
Sper il chant tradiziunal ha la festa da chant federala er gì spazi per chant da jazz, pop u classica. Uschia ha la festa da chant ubain il festival da chant purschì in program vast e divertent.
En quest’emissiun tadlain ina selecziun dals chors che han chantà durant la segunda fin d’emna.
En noss archiv da musica èn da chattar nundumbraivlas registraziuns da chors - en spezial chors rumantschs e grischuns.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.