La Festa federala da chant, u il Festival da chant svizzer sco l'organisaziun numna sia festa a Gossau, ha avert sias portas. Gia l'emprim di han intgins chors chantà avant la giuria d'experts. La festa vul esser in inscunter frestg ed in zic auter che festas da chant usitadas. I na duai betg esser ina concurrenza «in cunter l'auter» mabain ina occurrenza «in cun l'auter». Uschia ha in dals emprims inscunters tranter dus chors (Cantaurora da Cuira e Singstimmen Winterthur) fascinà il publicum en la baselgia son Andriu (Andreaskirche) ed animà ils preschents da chantar tuts ensemen.
Segunda fin d'emna a la festa
-
Bild 1 von 15. Il chor da giuvenils «JuchZ», il «cor viril alpina da la Val Müstair» ed il «Reveille-Chor der Basler Liedertafel» han chantà communablamain. Bildquelle: RTR, Dominic Pohle.
-
Bild 2 von 15. Era l'ultim di da la festa èsi vegnì chantà plain energia e plaschair. Bildquelle: RTR, Dominic Pohle.
-
Bild 3 von 15. Durant il concert final ha il chor da giuvenils Grischun tranter auter era jodlà cun il public en la tenda dal circus. Bildquelle: RTR, Dominic Pohle.
-
Bild 4 von 15. I ha puspè dà bler chant sin las inslas da chant. Bildquelle: RTR, Dominic Pohle.
-
Bild 5 von 15. Quatter chors da l'Engiadina èn s'unids e fundà il chor dal parc naziunal. Bildquelle: RTR, Dominic Pohle.
-
Bild 6 von 15. Era bleras furmaziuns giuvnas sa preschentan sin ils plazs da Gossau. Bildquelle: RTR, Dominic Pohle.
-
Bild 7 von 15. Losch preschentan ils chors lur unifurmas e bandieras. Bildquelle: RTR, Dominic Pohle.
-
Bild 8 von 15. Bleras persunas han chattà la via en la tenda da circus. Bildquelle: RTR, Dominic Pohle.
-
Bild 9 von 15. Durant il chantar communabel animescha il chor il public. Bildquelle: RTR, Dominic Pohle.
-
Bild 10 von 15. Era il chor da giuvenils svizzer cun lur dirigent Nicolas Fink han chantà communablamein cun il public. Bildquelle: RTR, Dominic Pohle.
-
Bild 11 von 15. Avant ils concerts èsi da far exercezi. Bildquelle: RTR, Dominic Pohle.
-
Bild 12 von 15. Il «Chor der Nationen» durant las emprovas en la tenda da circus. Bildquelle: RTR, Dominic Pohle.
-
Bild 13 von 15. I na vegn betg be chantà en baselgia, tenda da circus u halla da concert mabain era avant grond public en il liber. Bildquelle: RTR, Dominic Pohle.
-
Bild 14 von 15. Chor Bündnerverein St. Gallen durant in dals «Begegnugskonzerte». Bildquelle: RTR, Dominic Pohle.
-
Bild 15 von 15. Il chor viril Heiden ha chantà ensemen cun il chor dal Bündnerverein St. Gallen. Bildquelle: RTR, Dominic Pohle.
A questa festa da chant èsi da scuvrir ina gronda variaziun da chors e geners. Chors a-capella sco per exempel il chor «Klangtastisch» che ha dà concert la gievgia saira en la tenda circus. Era chors da jazz, chors classics, ubain chors d’uffants preschentan lur chant sin las vias da Gossau ed en ils locals da festa.
La festa da chant vul era far enconuschent e derasar la pli diversa musica da chors. Sper las producziuns avant la giuria dals experts, vegn er chantà sin uschenumnadas «inslas da chant» e durant plirs concerts d'inscunters. Il chant vegn dentant era celebrà en las tendas da festa ubain spontan sin via. Tut tenor il slogan da la festa «Die Schweiz singt – Gossau klingt» resunan uschia las vias da la citad songagliaisa per propi dal chant da chors. Plinavant datti chant communabel e concerts festivs en plirs lieus da Gossau.
Per vias e streglias a Gossau
-
Bild 1 von 8. La citad da Gossau è lieu ospitant per la festa da chant federala 2022. Bildquelle: RTR, Dominic Pohle.
-
Bild 2 von 8. En la baselgia da Sogn Andriu datti da tadlar inqual concert. Bildquelle: RTR, Dominic Pohle.
-
Bild 3 von 8. En divers lieus en citad èsi repartì uschè numnadas Sing Inseln – sin quellas san ils chors sa preschentar. Bildquelle: RTR, Dominic Pohle.
-
Bild 4 von 8. I dovra ina retscha gidantras e gidanters per metter en pe uschè ina festa. Bildquelle: RTR, Dominic Pohle.
-
Bild 5 von 8. Participantas e participants han plaschair dal vast program. Bildquelle: RTR, Dominic Pohle.
-
Bild 6 von 8. Blera glieud ha chattà la via a Gossau – dentant betg uschè blers sco spetgà. Bildquelle: RTR, Dominic Pohle.
-
Bild 7 von 8. Davos la tenda da circus è in grond areal per far festa e sa nutrir. Bildquelle: RTR, Dominic Pohle.
-
Bild 8 von 8. L'ultim di da festa ha cumenzà sco il di avant aveva finì: Cun niblas grischas. Bildquelle: RTR, Dominic Pohle.
Concerts avant la giuria
Avant la giuria d'expertas ed experts sa preschentan mintgamai quatter chors. Els èn durant la medem'ura en la zona da silenzi e chantan in suenter l'auter avant la giuria d'experts. Mintga chor ha a disposiziun 8 fin 12 minutas per chantar chanzuns a cappella u cun accumpignament da clavazin. Preschentas èn duas expertas u experts, ed in u ina da quels fa suenter il concert in discurs da valitaziun.
Emprima fin d'emna a la festa
-
Bild 1 von 5. In da numerus chors che nizzegian ina da las «inslas da chant». Bildquelle: RTR, Hugo Schär.
-
Bild 2 von 5. Chantaduras e chantadurs avant la tenda da catering. Là survegnan els lur gentar merità. Bildquelle: RTR, Hugo Schär.
-
Bild 3 von 5. Vista sur l'areal da festa davos la tenda da circus. Bildquelle: RTR, Hugo Schär.
-
Bild 4 von 5. La tribuna da concert en la baselgia son Andriu a Gossau. Bildquelle: RTR, Hugo Schär.
-
Bild 5 von 5. Per tut la glieud datti er ina «miglia da mangiativas», in pitschen Street Food Festival. Bildquelle: RTR, Hugo Schär.
Puzzle da chors
A Gossau datti er la pussaivladad da sa participar ad ina cumbiniala da chors. Gia avant la festa èn vegnids repartids «chorpuzzles» a chors d'uffants, chors da giuvenils e chors da creschids. Al festival s'inscuntran quests chors e portan lur «tocs da puzzle». Uschia emprendan ils chors d'enconuscher in l'auter. Il puzzle da chors ha lieu ils 27 da matg 2022.
Dapli infurmaziuns
Emissiun naziunala en quatter linguas
Il venderdi saira han ils radios SRF Musikwelle, RTS, RSI e RTR registà cun tun e maletg in'emissiun communabla en las quatter linguas naziunalas. En l'emissiun sa preschentan il Choeur des Armaillis da la Gruyères, il Coro Calicantus Locarno, il consonus Vokalensemble ed il Chor da giuvenils grischun cun diversas chanzuns. Sper ils quatter chors èn sa preschentads sin la tribuna en la tenda da circus la pianista Marion Suter e la furmaziun da musica populara da l'Appenzell Altfrentsch.
La festa da chant sin RTR
- Dumengia ils 22 da matg a las 15:00: Artg musical
concerts festivs da Arcas Syncopics ed ils chors da jazz da Basilea e Berna - Mardi, ils 24 da matg a las 19:00: Noss chors
concerts festivs da Männerstimmen Basel, Voix de Lausanne, las sinGALLinas, il FrauenChorFrauen ed ils chors d'uffants unids - Dumengia, ils 29 da matg da las 14:00 – 16:00: Artg musical
Emissiun naziunala da venderdi ils 20 da matg 2022, cun las furmaziuns:
Choeur des Armaillis de la Gruyère, Calicantus, Consonus e Chor da giuvenils grischun
Da quest'emissiun datti er divers videos - Mardi, ils 31 da matg a las 19:00: Noss chors
concerts festivs dal chor zug, chor da giuvenils Grischun, Choeurs de la Fête des Vignerons - Dumengia, ils 10 da fanadur a las 15:00: Artg musical
concerts festivs da sinGALLinas, FrauenChorFrauen, Voix de Lausanne, Männerstimmen Basel - Dumengia, ils 31 da fanadur a las 15:00: Artg musical
concerts festivs da Klangtastisch, schmaz, Boys Choir Lucerne e stimmix