Avant in onn durant ina festa da son Silvester han duas giuvnas e trais giuvens gì l’idea da fundar ina band. In’idea che franc blers han gia ina giada gì en sortida. Tar Anna Katharina, Lea, Stephan, Jérôme e Marco è quell’idea dentant era anc restada actuala, cura ch’il barbagiat l’auter di è stà svanì.
Ed uss in onn pli tard dastgan els sa preschentar en ils radios en l’entira Svizra. La single «Remain» ha il chantadur e ghitarrist Marco Grischott scrit durant ses temp en l’America.
Uss èn els motivads per nizzegiar quest mument per publitgar novas singles, dar concerts e lura era producir ina EP.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch,