Ils rappers dal Tessin «Delta Brain» e «SuperApe» èn sa mess ensemen cun la chantadura «Mara» per crear in trio svizzer. Per Delta Brain è passada ina pausa in pau pli lunga. «Prima uscita» è l’emprima single suenter questa pausa. Igl è ina chanzun da stad lucca che dat in sentiment cuntent e ventiraivel e fa vegnir endament in pau ils onns 60 – era opticamain cun lur fotografias da promo.
«Prima uscita» vegn uss preschentada durant l’avust en ils radios da RTR, SRF3, Couleur 3 e Rete Tre.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.