Anfang Bildergalerie
Bildergalerie überspringen
-
Bild 1 von 10. Curt avant che l'emissiun è ida libra han il moderatur e la band anc fatg ultimas preparaziuns. Bildquelle: RTR, Dominic Pohle.
-
Bild 2 von 10. Martina Hug durant ses concert en la Lounge. Bildquelle: RTR, Dominic Pohle.
-
Bild 3 von 10. Andrin Berchtold alias From Kid ha preschentà ina versiun da Nadal da sia chanzun You Can Call It Karma. Bildquelle: RTR, Dominic Pohle.
-
Bild 4 von 10. Medemamain ina versiun da Nadal d'ina atgna chanzun ha Marco Todisco preschentà: Goccia. Bildquelle: RTR, Dominic Pohle.
-
Bild 5 von 10. Trais da quatter da la Late Lounge Live band Clau Maissen, Rolf Caflisch e Rees Coray. Bildquelle: RTR, Dominic Pohle.
-
Bild 6 von 10. Cinzia Regensburger ed Elias Tsoutsaios han chantà communablamain ina versiun rumantscha dal hit All I Want For Christmas Is You. Bildquelle: RTR, Dominic Pohle.
-
Bild 7 von 10. Ha durant ses concert era gì in curt mument peda per in flirt cun ils conmusicists: Anna-Bigna Janett. Bildquelle: RTR, Dominic Pohle.
-
Bild 8 von 10. Tranter tut la musica hai era gì spazi per in ni l'auter discurs. Qua cun Martina Hug e Tamino Weggler. Bildquelle: RTR, Dominic Pohle.
-
Bild 9 von 10. L'entira gruppa per la fotografia finala: (davant da sanestra) Elias Tsoutsaios, Andrin Berchtold, Cinzia Regensburger, Martina Hug, Sara-Bigna Janett, Marco Todisco e Tamino Weggler. (davos da sanestra) Clau Maissen, Rolf Caflisch, Rees Coray e Claude Diallo. Bildquelle: RTR, Dominic Pohle.
-
Bild 10 von 10. A vus tuts e tuttas giavischain in bel temp d'Advent e bellezza festas da Nadal. Bildquelle: RTR, Dominic Pohle.
Ende der Bildergalerie
Zurück zum Anfang der Bildergalerie.
En l’ultima emissiun da la «Late Lounge Live» dal 2022 vulain passentar cun vus ina saira d’Advent e Nadal. Cun ina band messa ensemen a posta per quella chaschun, cun giasts spezials ed ensemen cun il public en la lounge. Nossa band interna sa cumpona da Rolf Caflisch vid la battaria, Clau Maissen vid il saxofon, Rees Coray vid il bass e Claude Diallo vid il piano.
Ils giasts musicals da la Late Lounge Live da Nadal:
Anfang Bildergalerie
Bildergalerie überspringen
-
Bild 1 von 6. Martina Hug. D’Uster a Cuira ed enavant al studi a Neuchâtel e puspè enavos a Cuira – Quai èn insaquantas staziuns da Martina Hug. Ses repertori musical tanscha da la musica classica fin la chanzun da pop. Ils ultims onns ha la chantadura, scolasta da chant e dirigenta creà insaquants teaters musicals e collavurà tar diversas producziuns. Bildquelle: MAD, Dolores Rupa.
-
Bild 2 von 6. Sara-Bigna Janett. La famiglia Janett da Tschlin èn corifeas da la musica populara e quai gia dapi pliras generaziuns. Els han però era success en la musica classica ed il jazz. Uschia Sara-Bigna Janett che fa carriera musicala sco sopranista. Ella ha gia pudì chantar en il «Wiener Konzerthaus» ed en la filarmonia da Berlin. Bildquelle: MAD, Benedict Stecher.
-
Bild 3 von 6. Marco Todisco. El è naschì 1972 sco figl d’immigrants talians e creschì si en il Grischun. Ussa viva el a Turitg sco musicist e scolast da sport. Todisco ha publitgà dus albums cun musica taliana: 2011 «Passatempo» ed il 2015 «Vivere accanto». Plinavant è el capitani da l’equipa naziunala da ballape – dals scripturs. Bildquelle: RTR, Dominic Pohle.
-
Bild 4 von 6. Andrin Berchtold (From Kid). Cumenzà ha «From Kid» sco duo. Uss èsi il project da solo d’Andrin Berchtold. Avant curt ha el publitgà ses nov album «Let The World Be A Good Place». Ideas per sias chanzuns survegn el savens sin viadi ubain en la natira. La musica è perencunter savens electronica e sa esser ina giada melanconica ed in’autra giada luc e legher. Bildquelle: MAD.
-
Bild 5 von 6. Cinzia Regensburger. Da San Francisco a Cuira – La pianista e chantadura Cinzia Regensburger suna per il mument il piano tar il «Golden Gate Symphony Orchestra & Chorus». Speras lavura ella vid ses proxim album che cumpara il schaner 2023. Quest onn ha ella finì cun success ses studi da Bachelor al conservatori a Vorarlberg. Bildquelle: MAD.
-
Bild 6 von 6. Tamino Weggler da NOXX. Dal project da solo da Tamino Weggler è sa sviluppà la gruppa «NOXX» che consista da tschintg musicists. Sche gie che la band è da chasa a Basilea fan els musica da pop, rap u rock en dialect Grischun. Savens cun l’ukulela ed adina cun ina buna presa umor. Bildquelle: RTR, Dominic Pohle.
Ende der Bildergalerie
Zurück zum Anfang der Bildergalerie.
Tuttas episodas pudais guardar qua sin Play RTR.