L’entschatta gratulain e giavischain tut il bun a Marianne Rosenberg per ses 70avel anniversari. La chantadura da pop e schlagher è naschida ils 10 da mars 1955 a Berlin. Gia cun 14 onns ha ella gudagnà ina concurrenza da talents giuvens ed in onn pli tard ha ella gia edì sia emprima platta ch’è daventada in success. Oz – passa 50 onns pli tard – fa Marianne Rosenberg anc adina musica. Nus tadlain intgins semperverds d'ella ed era ses hits na mancan betg.
En la secunda part tadlain Bernhard Brink, Anna-Carina Woitschack, die Amigos, Tanja Lasch, Ross Antony ed anc blers auters stars dal schlagher cun hits che stattan sut il motto «Tut il bun».
