Rock da las Alps, in stil da musica cun elements da rock ed instruments tradiziunals da la musica populara ed ils texts magari chantads en dialect, quai è schlagher popular cun power.
En La stailalva dad oz tadlain nus in mantun da quests hits. Il bainvegni fan die Lauser cun «E-Gitarr’meet’s Oberkrain». Era da la partida è Andreas Gabalier, il «Volks-Rock’n’Roller» cun ses hit «Hulapalu». Plinavant tadlain nus «Iawaramoi», in hit dal pionier dal rock da las Alps Hubert von Goisern, «Aues geili Sieche» cun la band da Lucerna ChueLee, la band voXXclub cun «Rock mi» euv.
