Per exempel Melissa Naschenweng cun l’album «Alpenbarbie». In disc cun in mix da chanzuns da schlagher, pop, rock e schlagher popular. Il powergirl da l’Austria è adina puspè buna da porscher in nov stil da musica mo la passiun per la natira e las alps restan adina. Daniela Alfinito è la figlia da Bernd Ulrich dals Amigos. Las affinitads tier la musica ha ella pia ertà dad ses bab. Ses nov disc sa numna «Blick nach vorn» ed è in album fitg persunal, ina preschentaziun musicala da ses diari.
E per finir tadlain anc intginas novas singles da Nino de Angelo, Andrea Berg, Marc Pircher, die Fäaschtbänkler, Helene Fischer & Florian Silbereisen, Roland Kaiser ed Alexander Eder.
Musica da la sparta schlagher e schlagher popular. Cun ina preschentaziun da musica nova, semperverds e bler dapli.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.