Da l’onn 1986 enfin l’onn 2010, eran ils mais mars ed avrigl adina en fevra dal «Grand Prix» ! Tgi èn ils finalists e tgi èn ils victurs dal grond premi da la musica populara? Quella occurrenza da musica è stada in bun punct da partenza per bleras e blers interprets e bands giuvnas. Blers dals victurs e participants fan anc oz cun success musica.
«Bella Musica», «Patrona Bavarie», «Beuge dich vor grauem Haar» ma er «Das Feuer der Sehnsucht» e «Hey Baby, küss mich nochmal» èn chanzuns ch’ins auda anc oz savens al radio.
La stailalva lascha reviver oz, 15 onns suenter l’ultima occurrenza, in mantun da quels hits daventads semperverds.
