En la «populara» da RTR udis vus adina puspè emissiuns cun sauts da cumponists grischuns. Nus avain gia preschentà cumposiziuns da Luzi Bergamin, Hans Fischer, Josias Jenny, Urs Glauser ed er da Peter Zinsli. Oz datti schottischs, polcas e valsers da trais auters cumponists da vaglia. Da Silvio Caluori, Heini Morell e Peter Conrad, musicants e cumponists ch’en stà fitg preschents en la musica populara grischuna. Els han sunà tar diversas chapellas da renum ed èn stà fitg activs sco cumponists. E lur sauts vegnan sunads er ozendi da bleras chapellas. Per exempel: «Bündner Stubete», «Bim Fritz im Hochwang», «Bi dr Lisa im Torka», ubain «Il balcun tort,». Quists tocs vegnan interpretads da chapellas grischunas e da tut la Svizra. Dapli questa gievgia saira a las 19.00 al RR.. e sin rtr.ch sco podcast.
