El fa musica dapi sia uffanza, suna anc adina cun sia chapella da famiglia dals Ernis ch'exista gia dapi 60 onns. Cumenzà ha tut a Tschlin, cura che ses bab Anton ERni e ses uffants faschevan musica. Ozendi sunan las generaziuns pli giuvnas, er ses uffants Jon ed Antonia, las biadias Ladina e Chiara ed il biadi Carlo.
Legenda:
La chapella Erni
MAD
Las melodias dals randulins
Jachen Erni ha publitgà dacurt in cudesch che raquinta l’istorgia da la musica populara en Engiadina, co che ses bab Anton aveva collecziunà sauts vegls e tradiziunals ed ins vegn er a savair dapli da l'istorgia da la chapella Erni.
Jachen Erni e ses sauts preferids
Ils 14 da mars po el festegiar ses 75avel e perquai fa el il program da musica da la «populara». Jachen Erni ha tschernì ses sauts preferids, schottischs, polcas, martgas e valsers da differentas chapellas, uschia: Anton cun la trumbetta, La talianina, Il sot da quater pèra, Via Flüela ins Engadin, Davo Mot, L'Amore-Polka e bleras autras melodias.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
