En il Grischun, l’Appenzell, la Svizra centrala, Berna ubain en il Valais: en mintga regiun da la Svizra datti numerusas furmaziuns che fan musica populara, e dapertut datti er bels sauts enconuschents e tipics, sco: «En urchige Muotathaler», «Urnerbodä-Kafi», «Im Pöschtli z'Appezöll», «Frohe Fahrt dürs Frutigtal» ed il «Zofinger Marsch». Quels tocs vegnan interpretads da furmaziuns sco la chapella Via Mala, ils Engadiner Ländlerfründa, il quartet Laseyer, ils Swiss Ländler Gamblers, la chapella Bergüner Ländlerfründa, la chapella da Res Schmid ed ils frars Marti e Oesch's die Dritten.
