Per questa gievgia saira propona la populara in’emissiun cun sauts e chanzuns da regiuns muntagnardas, e da quellas na datti be en Svizra, Austria, Germania e Tirol dal Sid, mabain er en la Savoia, en Scozia, Slovenia, Slovachia, Pologna ed er en Svezia. Las protagonistas ed ils protagonists vegnan da diversas regiuns muntagnardas e fan musica che ha las ragischs en la musica populara e tradiziunala, pero vus udis er tuns pli novs. Nus preschentain sauts e chanzuns sco: «Unterlercher Landler» da Herbert Pixner, il «Frühjahrslandler» dals frars Unterhofer, il «Schottisch Da Joh's Nogler» dal quartet Wäckerli, Lässer, Panitz, Born e «Chibrely du Coucou» da Patrice Combey & Yves Berthias da la Savoia e Duncan Chisholm da la Scozia cul toc «To The High Mountains».
