L'emissiun dad oz è deditgada a Carlo Brunner, al musicist, cumponist e producent da musica che ha ses 70avel anniversari. Brunner è creschì si en ina famiglia musicala ed era gia da giuven fascinà da la musica populara.
Oz è Carlo Brunner in dals gronds da la scena da la musica populara svizra, in clarinettist e saxofonist excellent e cumponist da passa 3000 titels. Dapi il 2012 è el purtader da la clav da violina d'aur, la distincziun la pli auta da la musica populara svizra.
Sia emprima furmaziun, la «Ländlerkapelle Carlo Brunner», ha el funda sco giuvenil da 15 onns – e dapi il 1987 datti la «Superländlerkapelle», ina da las furmaziuns las pli popularas en Svizra chi cumbinescha musica populara cun swing e jazz. En nossa emissiun da musica populara udis vus a Carlo Brunner e sia chapella en occasiun da la festa da musica federala 2023 a Bellinzona.
Carlo Brunner e Lisa Stoll
-
Bild 1 von 2. La chapella da Carlo Brunner. Bildquelle: MAD.
-
Bild 2 von 2. Lisa Stoll cun ses instrument: la tiba. Bildquelle: MAD.
Da la partida è er Lisa Stoll cun sia tiba, e vus udis tocs sco: «Waldvogel-Schottisch», «Alpinette & Klarihorn», «Uf em Plomberg» ed il «Alpen-Fox».
