Igl è ina lunga tradiziun che la Black Dyke Band dat la fin da settember mintgamai in concert da gala en Svizra. La saira dal Swiss Open Contest suna ina da las meglras Brass Bands dal mund en la sala da concert dal KKL a Lucerna. Al 25avel World Band Festival da quest onn ha la band englaisa gia concertà per la 23avla giada.
Quest onn ha ella tranter auter er accumpagnà David Childs , in virtuos d'eufoni che ha intgantà la sala. El è naschì l'onn 1981 a Wales. Gia ses tat John era in enconuschent eufonist e ses bab Robert e ses aug Nicolas (dirigent da la Black Dyke) eran renumads eufonists sco er dirigents cun grond success.
En la gronda sala da concert dal KKL ha David Childs intgantà cun gronda musicalitad, tun e tecnica incredibla e vitiers er mussà ina presa umor.
L’emissiun preschenta furmaziuns da brass, armonias, fanfaras, musicas militaras, furmaziuns pitschnas ed auter pli.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.