Amez l'idilla da la planira sut il Piz Palü ha quest onn lieu la terza ediziun dal Openair Cavaglia. Ma per quest'ediziun han ils organisaturs stuì spustar il lieu d'occurrenza.
Tschintg motivs pertge ch'il Openair Cavaglia è il pli cumadaivel festival da nossa turnea:
Las muntognas
Legenda:
Vista sin ils pizs Palü, Caral e Sassal Mason.
RTR, Dominik Hardegger
Aua gist sper l'areal
[Betg emblidar mandura da bagnar]
Legenda:
Il dutg Cavaliasch.
RTR, Dominik Hardegger
La vita ruassaivla
Legenda:
La vatga – Il «Spirit Animal» secret dals blers.
RTR, Dominik Hardegger
Natira magnifica
Legenda:
Mulins da glatscher sco quel datti anc dapli.
RTR, Dominik Hardegger
Cuntanschibladad
Legenda:
La staziun da Cavaglia è be paucas minutas davent dal festival.
RTR, Dominik Hardegger
Ma... en il paradis datti era discussiuns ...
Organisatus vs possessurs
Ils davos onns ha l'Openair Cavaglia gì lieu sin in uschenumnà prà da qualitad.
Per ch'i restia era in prà da qualitad è il possessur dal terren sa mess encunter ina terza ediziun dal festival en il lieu sco da qua.
Tge èn prads da qualitad?
Avrir la boxSerrar la box
Il chantun ha prescribziuns quantas spezias da plantas e flurs ch'i sto avair per in tal prà. Uschia sto in meter quadrat avair almain sis spezias definidas dal chantun Grischun.
Sch'ins trampligna onn per onn ils pastgs e flurs na creschan quels betg pli uschè vast.
Perquai ston ils organisaturs guntgir sin in areal radund 500 meters en direcziun da la staziun da la Viafier retica. Uschia èsi era ina pli gronda sfida d'electrifitgar il festival, damai che l'anteriur lieu era gist sper in'ovra electrica.
