10 furmaziuns da minoritads da l’Irlanda, la Russia, la Svezia, la Spagna e da l’Italia eran sa participadas. Avant 1’200 aspectaturas ed aspectaturs han persvadì ils musicists e chantadurs Roland Vögtli, Maria Moling e Tom Wörndl il meglier la giuria cun lur chanzun rumantscha.
Il premi per l’emprim plaz al Suns Europe è in envid per in concert ad in festival da musica en Russia il 2016.
Roland Vögtli e Maria Moling chantan rumantsch, ladin ed englais. Il chantautur rumantsch è dentant persvas che musicists da linguatgs minoritars pon avair success cun chantar en lur linguatg mamma.
Tgi è tut da la partida
Da la partida èn lura sper rumantschs, sards, occitans, furlans e ladins er ils bascs, bretons, ils sams ed ina gruppa da la Galizia. E sper la musica datti er in focus spezial sin litteratura, film ed art.
Las bands:
- KASERNARAT Hil Artean (Basc)
- TUATH «Níl Tú Ann» (Gaelic irlandais)
- ZAMAN «Bishek» (Baschîr, Federaziun russa)
- RHAPSOLDYA «Frankiz?» (Breton)
- MARIT & NIGEL «Libbenstier» (Fris)
- ILMU «Suuret Kivet» (Carelia, Federaziun russa)
- CAXADE «Gente Pota» (Galizia)
- OZAS «Mannavuoda Muittut» (Sami da la Lapponia)
- Loris Vescovo & Orchextra Terrestre (Friaul)
- Me & Marie (Rumantsch)
Dapli
Furmaziuns rumantschas che han participà a SUNS:
- 2009 : Ursina
- 2010 : Pascal Gamboni
- 2011 : Cha da fö
- 2012 : nagina participaziun rumantscha
- 2013 : Tawnee
- 2014 : Pascal Gamboni
- 2015 : Me & Marie
