Festas da musicas - Ina fin d'emna plain musica a Val

Ils giuvens en il center

La dumengia ha gì lieu la Festa chantunala da musicas da giuvenils. Otg furmaziuns èn sa preschentadas als giurors. Igl era l'emprima festa da musicas da giuvenils dapi set onns. Il plaschair è natiralmain stà grond. Er la sala per ils concerts da las musicas da giuvenils era quasi tar mintga furmaziun plaina.

Pervi da la plievgia avevan ils organisaturs decidì da betg far l’occurrenza da marschar sco previs. Enstagl da marschar atras il vitg da Val eran las musicas sa posiziunadas sin la tribuna. Suenter ch’in expert aveva contemplà la furmaziun, han ellas lura sunà al lieu il marsch. Il grond avantatg: lingias tortas na datti uschia betg.

RTR è stà al lieu ed ha registrà tut las represchentaziuns da las musicas en la sala Glüs a Val. Las registraziuns da la duas festas pon ins tadlar qua:

PlayFestas

Festa da musica districtuala

La sonda avantmezdi da la 21avla Festa da musica districtuala da la Surselva è passada cun in punct culminant suenter l'auter. Las societads da musica han preschentà lur producziuns da concurrenza avant la giuria en la sala Glüs a Val.

Las producziuns avant la giuria

Il program è cuntinuà suenter ina curta pausa cun la concurrenza da marschar amez il vitg da Val. A l'ur dal traject da marschar èn blera glieud sa radunada per contemplar e tadlar las musicas. Er il sulegl e las temperaturas agreablas han gidà a crear ina bun'atmosfera.

Sin il tschancun da marschar

Las musicantas ed ils musicants han pudì sa preschentar durant l'entir di avant in grond public ed han giudì ina bella atmosfera da festa a Val.

Adina puspè han dirigentas e dirigents, musicantas e musicants, organisaturas ed organisaturs ubain experts prendì temp per raquintar a nus davart lur experientschas, preparativas ed emoziuns da e per la festa da musica. Qua datti ina selecziun da quellas impressiuns per tadlar suenter.

Tuns e suns da la festa

La rangaziun dals tocs avant giuria da la sonda:

Ils resultats da la concurrenza da marschar da la sonda:

Las registraziuns da quellas festas da musica èn da chattar sin Playfestas .

Otg onns dapi la davosa festa districtuala

L’ultima festa chantunala da musicas da giuvenils ha gì lieu il 2016 (Lai) – la districtuala da musica schizunt gia il 2015 (Sursaissa) . Pia nairas uras che quellas festas han puspè lieu. A Val pudain questa fin d’emna gist festivar omaduas. Sonda la districtuala e dumengia la chantunala da musicas da giuvenils. L’ultima giada ch’ina festa da musica ha giu lieu a Val è stà l’onn 1995:

Per motivs enconuschents èn las festas a Vignogn 2020/21 e Zernez 2020 crudadas en l’aua. Uschia che tuttas musicas èn sa legradas fitg da puspè dastgar sa preschentar e sunar avant public e la schuria.