Il quartet vocal cun Sara-Bigna Janett (sopran), Gianna Lunardi (alt), Daniel Bentz (tenor) e Chasper Mani (bass) chantan chanzuns en tuttas trais linguas chantunalas dal Grischun sco per exempel «Lieti pastori» (talian), «Il himni dils aunghels» (rumantsch) u «St. Stephans-Abend - Hosianna» (tudestg).
Videos da las furmaziuns musicalas
Enramadas vegnan lur chanzuns cun musica contemplativa da Janic Sarott (marimba) e sia sora Flurina (violina). Il duo oriund da Scuol suna atgnas cumposiziuns.
Interpretas ed interprets
-
Bild 1 von 4Legenda: Quartet da brass Da san. Duri Cathomen, Michael Cadruvi, Sonja Pirovino, Hardy Pirovino RTR, Hugo Schär -
Bild 2 von 4Legenda: Quartet vocal Da san: Daniel Bentz, Chasper Mani, Sara-Bigna Janett, Gianna Lunardi RTR, Hugo Schär
-
Bild 3 von 4Legenda: Magd Greta La fumitgasa Greta, raquintadra da paraulas. RTR, Hugo Schär
-
Bild 4 von 4Legenda: Janic e Flurina Sarott Flurina Sarott e ses frar Janic RTR, Hugo Schär
Il quartet da brass da la Surselva cun Duri Cathomen (cornet), Michael Cadruvi (cornet), Sonja Pirovino (corn en es) e ses um Hardy (eufoni) suna musica festiva sco era in toc pli quiet da Flavio Bundi: «Notg misteriusa» che Robin Bartholini ha arranschà per questa registraziun.
Concert da Nadal
Ils tocs musicals sco era ina da las paraulas pudais vus tadlar en il radio. Mesemna, ils 25 da december l'avantmezdi a las 09:00 emetta RTR tuttas registraziuns dal quartet vocal, dal quartet da brass e dals fragliuns Janic e Flurina Sarott.
Raquintadra da paraulas
Tar Nadal tutgan er las istorgias e las paraulas. «Magd Greta» è ina raquintadra d'istorgias professiunala. La giuvna mamma ch'abitescha a Cuira gioga ina figura dal temp passà che lavura sco fumitgasa tar in pur. Ella e sia giaglina Berta envidan uffants ed er creschids da tadlar sias istorgias. Duas da sias paraulas pudais tadlar qua.
Fumitgasa Greta raquinta duas paraulas
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.