Ils 30 da november èn sis musicas instrumentalas stadas envidadas a Berna. Sin la tribuna dal Theater National han ellas sunà in concert da divertiment. Mintga furmaziun ha sunà tschintg tocs ch'èn vegnids registrads en tun e maletg. Las sis musicas represchentan las quatter regiuns linguisticas.
Las musicas participantas:
- Filarmonica Unione Carvina (dir. Daniele Lazzarini)
- MG Konkordia Aedermannsdorf (dir. Rafael Camartin)
- Fanfare la Dixence d'Hérémence (dir. Olivier Vergères)
- Musikverein Dietlikon (dir. Daniel Zeiter)
- Fanfare l'Ancienne de Courgenay (dir. Herminjard Clément)
- Musica da Domat (dir. Gian Stecher)
Igl èn furmaziuns d'armonia e brass band e tuttas han sunà in program musical multifar, divertent e da buna e fitg buna qualitad. Tuttas musicas èn d'udir en il radio, in'emprima part en l'Artg musical dals 15 da december 2024 (MG Konkordia Aedermannsdorf, Filarmonica Unione Carvina e Musica da Domat) e la segunda part en l'instrumentala dals 18-12-2014 , lura cun Musikverein Dietlikon, Fanfare la Dixènce d'Hérémence e Fanfare l'Ancienne de Courgenay. En curts clips vegnan las furmaziuns er preschentadas.
Ils videos da mintga furmaziun datti gia quà.
Il program
Tuttas musicas instrumentalas sunan in program da concert divertent e da curturella. La litteratura dueva numnadamain er esser in nov repertori per l'archiv da musica da la SRG SSR, vul dir ch'igl è stà giavischà da prender ovras betg concertantas per il program da radio. Ovras ch'èn anc mai vegnidas registradas u ch'i dat be registraziuns veglias.
Davent dal schaner 2025 è in Rumantsch il dirigent fix da la MG Konkordia Aedermannsdorf, Rafael Camartin. Il musicist oriund da Breil ha gia dirigì divers projects (tranter auter er las registraziuns a Berna) cun la formaziun da segunda categoria Brass Band.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
L’emissiun preschenta furmaziuns da brass, armonias, fanfaras, musicas militaras, furmaziuns pitschnas ed auter pli.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.