Cun ina maschaida sensitiva da classica, film e pop intermediescha quest concert in vair sentiment da primavaira. La chantadura Jana Maria Gropp intgantescha cun chanzuns e songs ord films sco «Breakfast at Tiffany’s» e «Grease». Il maister da concert dal WDR Rundfunkorchester Juraj Cizmarovic intganta il public cun ovras passiunadas da Fritz Kreisler fin Sting. In program per luar!
L'orchester
Il WDR Funkhausorchester (fin il 2014 WDR Rundfunkorchester Köln) è in orchester da divertiment occupà sinfonic dal Westdeutscher Rundfunk a Cologna. En sia furma actuala è el vegnì fundà il 1947 suenter ch'ins ha mess ensemen pliras furmaziuns instrumentalas pli pitschnas ch'existivan per part dapi l'onn 1927.
Dal WDR vegn el preschentà sco «represchentant da parada» da l'emettur e consista actualmain da 52 commembers.
Ultra da preschentaziuns regularas en las salas da concert da Nordrhein-Westfalen e da festivals da musica internaziunals en Germania ed a l’exteriur, dat il WDR Funkhausorchester serias da concerts en la gronda sala d’emissiun da la chasa da funk Wallrafplatz ed en la Filharmonie a Cologna. La participaziun en emissiuns da televisiun, per exempel «Zimmer frei!», fa era part da ses champ d’activitad sco la lavur en il studio da producziun. Numerusas inscenaziuns èn gia vegnidas premiadas.
