L'inscunter da chapellas dal Grischun è probabel martgà cotschen en las agendas da bleras furmaziuns da musica populara. Il prim inscunter è stà il 1965 a Cuira ed ils 11 da schaner 2025 ha gì lieu la 59avla ediziun.
Quest onn èn s'inscuntradas e sa preschentadas 14 furmaziuns en il Forum Landquart. Sper las furmaziuns grischunas sco per exempel Kapelle Oberalp, Prättigauer Power, Örgeliplausch vom Spycherweg u Kapelle Via Mala han ins er dumandà furmaziuns bernaisas e da la Svizra Centrala da vegnir en il Grischun.
Da guardar e tadlar
RTR ha registrà tut las preschentaziuns era sco video. Quels chattais Vus sin PlayRTR. Sche Vus vulais be tadlar las producziuns lura pudais vus far quai via noss portal Playfestas.
In schatg datti qua cun ils trais tocs che tuttas furmaziuns participantas han sunà communablamain:
RTR preschenta las producziuns da las diversas furmaziuns en l'emissiun «La populara» dals 30 da schaner 2025 ed en l'emissiun «Artg musical» dals 2 da favrer 2025.
