Dapi decennis datti la stad en divers lieus en il Grischun concerts dal Calamus-Trio. Ils clarinettists Josias Just, Martin Zimmermann e la pianista Alena Cherny han ina gronda cuminanza da fans che spetgan cun brama lur turnea da concert. Er la stad 2021 ha il trio divertì in grond auditori, tranter auter er en la baselgia son Martin a Cuira.
Nagina fin en vista
Il 2021 ha il Calamus-Trio gia dà sia 38avla turnea da concerts e tuts trais èn motivads ed han plaschair da sunar e divertir ch'els n'han betg en senn da chalar, uschia ha ditg Josias Just, il fundatur dal trio. Er la 40avla turnea avant egls, na saja nagin motiv da betg cuntinuar suenter quella turnea giubilara.
Quest concert è stà sut l'ensaina da musica populara, la ragisch da tutta musica insumma. En lur concert han els fatg in viadi musical en divers pajais europeics.
Musica vocala contemporana
Il settember 2021 hai dà a Berna ina dieta u conferenza internaziunala cun referents da l'exteriur davart la musica vocala svizra. Sco punct final da questa conferenza hai dà dus concerts, in a Berna (Baselgia franzosa) e l'auter a Fribourg (aula da l'universitad).
In dals iniziants da la conferenza è stà Willi Derungs. Il dirigent oriund da Vignogn (Val Lumnezia) viva dapi blers onns a Berna. Tranter auter dirigia el ils ensembles vocals « Canto classico » e « Novocanto ». Dasperas lavura el er sco collavuratur scientific a la Scol'auta per art a Turitg.
Grazia a Willi Derungs è era la musica rumantscha stada represchentada al concert. Il 2005 ha Gion Antoni Derungs cumponì «L' alva» – ina cumposiziun dad otg chanzuns per chor mischedà e clavazin.
Duas primaudiziuns
A posta per la conferenza han las iniziantas ensemen cun Willi Derungs er dà l'incumbensa ad in cumponist da Berna, Leo Dick, ed ad in cumponist da Fribourg, Jean-François Michel, da scriver ina nov'ovra. Las duas primaudiziuns «Grand Opéra Tell» da Leopold Dick e «Je sais que je ne possède rien» da Jean-François Michel. Leopold Dick ha sa laschà inspirar per sia cumposiziun da l'opera Guigliemo Tell (Gioacchino Rossini) e Jean-François Michel ha prendì in text da l'autur svizzer Philippe Jaccotet, ch'è mort l’entschatta dal 2021 cun 95 onns en il sid da la Frantscha.
Impressiuns dal concert en Baselgia franzosa a Berna
-
Bild 1 von 6Legenda: Canto Classico e chor da chombra da l'universitad da Fribourg, Christoph Zbinden al clavazin, dirigent è Willi Derungs MAD -
Bild 2 von 6Legenda: Da san.: Christoph Zbinden (clavazin) e Willi Derungs, dirigent MAD
-
Bild 3 von 6Legenda: Da san.: Christian Hilz (bariton), Leonardo Afonin (bass), Gabriel Söllinger (tenor), Paula M. Meyer (mezzosopran), Julia Frischknecht (sopran) MAD
-
Bild 4 von 6Legenda: La conférencière Gabriela Contratto en acziun. MAD
-
Bild 5 von 6Legenda: Willi Derungs dirigia ils dus chors e las instrumentalistas ed ils instrumentalists da l'ensemble Vertigo. MAD
-
Bild 6 von 6Legenda: Willi Derungs (a mez) discurra cun ils dus cumponists Leopold Dick (san.) e Jean-François Michel (dretg) da lur ovras. MAD
Deplorablamain hai dà en il program da concert be ina cumponista svizra: Caroline Charrière e sia ovra «Flowers». Il 2008 ha la sunadra da flauta traversa survegnì per questa cumposiziun il terz premi da la concurrenza «Label suisse». Sper sunar flauta è ella principalmain s'occupada cun direger e cumponer. La dunna è naschida il 1960 a Fribourg nua ch'ella è er morta memia baud il 2018.
Davart cumponistas e cumponists
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.