Sut la direcziun dal giuven dirigent Marco Amherd ha il Schweizer Vokalkonsort registrà in nov disc cumpact cun il titel «Dormi bel Bambin». Il disc cumbinescha «truvaglias» musicalas or da tuttas quatter regiuns linguisticas da la Svizra cun ovras da la romantica tudestga. Sper rumantsch, franzos, tudestg e talian hai sin quest disc era chanzuns en latin.
L'album vul schlargiar il repertori usità e dar la pussaivladad d'in autra perspectiva sin la musica svizra, uschia èsi scrit en il booklet. E la schelta da chanzuns è varianta ed interessanta. In vair regal da Nadal.
Il Schweizer Vokalensemble è vegnì fundà il 2018 da Marco Amherd cun l'intenziun da preschentar raritads canticas, chanzuns che pon far la punt tranter musica veglia e nova. Uschia datti tranter auter da tadlar numerusas ovras da cumponistas e cumponists svizzers, sco per exempel Gion Antoni Derungs, Julia Schwartz, Carl Rütti, André Sala, Peter Appenzeller u er André Ducret.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
