L'emissiun speziala per il di da festa da Nadal porta registraziuns che RTR ha pudì far per la televisiun tudestga. Quintada era in'emissiun «Weihnachten in Dresden» cun diversas formaziuns, noss pajais era represchentà entras il Chor da giuvenils Grischun e ses dirigent Martin Zimmermann. Malgrà che l'emissiun n'ha betg pudì vegnir realisada pudain nus purtar las registraziun da tun e maletg.
Sper il Chor da giuvenils Grischun chanta era l'Ensemble vocal incantanti duas chanzuns da Nadal. Quellas èn da chattar sin in nov disc cumpact che cumpara il 2023. Il discc preschenta l'Artg musical l'entschatta da l'onn nov.
Late Lounge Live – ediziun da Nadal
Il 2022 ha RTR lantschà ina nova retscha da concerts live ord il studio RTR. Il moderatur Elias Tsoutsaios envida musicistas e musicists en il studio e discurra cun els davart lur musica e lur vita. Per l'ediziun da Nadal èn vegnids envidads Cinzia Regensburger, Sara Bigna Janett, Martina Hug, Marco Todisco, Tamino Weggler ed Andrin Berchtold. Ensemen cun la LLL-Band han els interpretà atgnas chanzuns da Nadal u melodias enconuschentas.
Interpretas ed interprets
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.