L'idea oriunda è naschida en la cumissiun da musica da l'associaziun grischuna dals chors. Andrea Accola e Martin Zimmermann han gì l'idea da far insatge per giuvenils che chantan gugent. Tenor l'exempel dal Chor da giuvenils svizzer han els fundà il Chor da giuvenils grischun / Bündner Jugendchor (BJC) . Davent da l'entschatta è l'idea fruntada sin bun terren e funcziuna uss dapi gia 20 onns.
Il repertori dal chor cuntegn chanzuns indigenas (tudestg, rumantsch, talian), chanzuns popularas internaziunalas, litteratura classica ed actuala fin tar arranschements da jazz e pop. Fin oz eran quasi 200 persunas commembras dal Chor da giuvenils grischun. Durant quest dus decennis ha il chor pudì festivar divers success.
Per l'onn da giubileum ha il dirigent Martin Zimmermann ponderà dus projects. Per omadus pon anteriuras chantaduras ed anteriurs chantadurs s'annunziar. Il Telesguard ha visità in'emprova dal chor da las anteriuras e dals anteriurs.
Il settember 2005 ha il Telesguard rapportà dal segund champ da chant dal chor da giuvenils. Guardai qua il rapport.
Dus projects per l'onn giubilar
La primavaira 2024, ils 20 e 21 d'avrigl, hai dà dus concerts cun chanzuns preschentadas da trais furmaziuns: Dal Chor da giuvenils actual, dal Cantus Raeticus (il chor dad anteriuras ed anteriurs) e dal chor communabel . Ils dus concerts èn stads a Maiavilla e Schiers. La fin d'avrigl sa participescha il chor lura al festival internaziunal da chors a Bad Ischl.
Chor da giuvenils e Cantus Raeticus
-
Bild 1 von 3Legenda: Il Chor da giuvenils actual BJC -
Bild 2 von 3Legenda: Cantus Raeticus - il chor dad anteriuras commembras ed anteriurs commembers dal Chor da giuvenils grischun RTR, Hugo Schär
-
Bild 3 von 3Legenda: Il chor da giuvenils actual ensemen cun il Cantus Raeticus, il chor dals anteriurs. RTR, Hugo Schär
Il settember datti in segund project. Ensemen cun in orchester preschenta in chor da radund 70 persunas (actuals ed anteriurs commembers) l'ovra «Creation» dal cumponist american Dan Forest. El ha scrit l'ovra en latin e sa basa sin l'ovra «Die Schöpfung» da Joseph Haydn.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.