Annemarie Grünig vegn confruntada di per di cun istorgias sco quellas da «Marie» e «Selina». Ella maina la Chasa da dunnas dal Grischun. L’onn 2019 ha quella dà suttetg segir a 24 dunnas cun 24 uffants. Pli che 150 giadas han las dunnas da la Chasa da dunnas er cusseglià via telefon ubain durant in inscunter direct.
Per la «Marella» ha Annemarie Grünig fatg in’excepziun e laschà visitar RTR la Chasa da dunnas. La manadra da la Chasa da dunnas è persvadida: «La violenza a chasa va tiers a nus tuts».
