Strusch insatgi che posseda in animal da chasa u da niz – giat, chaun, ubain chaval – metta en dubi ch'igl exista per il solit in ferm liom emoziunal e communicativ tranter possessura ed animal. Igl è ina sort communicaziun che va pli lunsch che da far cumonds sco «sesa» u «plaz» e far obedientscha a quels.
-
Bild 1 von 3. Juri, 6.5 onns. Il chaun bernardin ha problems cun ils chaluns e cun in'ureglia. El vegn tgirà tant dal veterinari sco era da la communicatura d'animals Patrizia Plaz che fa tractaments energetics cun Juri. Bildquelle: RTR, Olivia Spinatsch.
-
Bild 2 von 3. Vaica, 7 onns. Vaica, il labrador brin stgir, patescha d'ina defurmitad da la spina dorsala ed ha fadia d'ir a pe pli lunsch. Bildquelle: RTR, Olivia Spinatsch.
-
Bild 3 von 3. Burli, 1 onn. La redactura ha empruvà da communitgar cun il cunigl da ses vischin. Bildquelle: RTR, Olivia Spinatsch.
Discurrer cun animals grazia a telepatia?
In pass pli enavant van uschenumnads communicaturs u communicaturas d'animals. Quellas persunas pretendan da pudair communitgar cun tut ils animals pussaivels. Fitg concretamain, cun far dumondas, survegnir respostas u cun badar lur emoziuns. Quai è sco ch'i para pussaivel grazia ad abilitads telepaticas. E – grazia a scolaziuns. Mintga persuna possia numnadamain emprender a communitgar cun animals.
Jau na discur betg simplamain uschia cun in animal. Jau dumond adina per ses consentiment. I dovra bler'attenziun e temp. E mintgatant datti animals che n'han nagin gust da discurrer cun mai.
Las communicaturas d'animals
-
Bild 1 von 2. Patrizia Plaz da Savognin lavura sco communicatura d'animals e porscha era tractaments d'energia. Bildquelle: MAD.
-
Bild 2 von 2. Doris Brasi da Cuira è communicatura d'animals diplomada ch'ha fatg ina scolaziun holistica. Bildquelle: MAD.
Ina dumonda da la seriusadad
La purschida dals communicaturs d'animals è tschertgada, adina dapli er en il Grischun. Possessuras d'animals vulan rinforzar il sensori per lur animals ed han adina pli gronda confidenza en medischina alternativa. Quai fa dentant era pli e pli mal il venter a las persunas che lavuran en la medischina classica veterinara.
La spierta è gronda ed i dat bleras nursas nairas en questa fatschenta. E perquai sa fidan possessurs d'animals da temp en temp er a las valitaziuns da las faussas persunas. Qua pateschan a la fin per il solit ils animals.
Las persunas ord la medischina veterinara
-
Bild 1 von 2. Gianina Guetg dad Azmoos lavura sco pura ed assistenta da veterinari. Ella dat a blers animals in dachasa, per exempel al chaun Stella. Gianina Guetg vesa la communicaziun cun animals ord in'optica ambivalenta. Bildquelle: MAD.
-
Bild 2 von 2. Vitus Gartmann lavura dapi 28 onns sco veterinari a Glion. El crai che intginas persunas han abilitads extraordinarias en la relaziun cun animals. Dentant è el sceptic da quai che pertutga il communitgar cun animals sin distanza. Bildquelle: RTR, Claudia Cathomen.
Ina Marella che surpassa ils cunfins da l'explitgabel
In veterinari ed in'assistenta da veterinari vegnan a pled en questa Marella, gist sco in biolog che ha di ch'el haja fatg studis surprendents sin il champ da la telepatia. E la Marella guarda sur la spatla a communicaturas d'animals ed emprova d'explitgar l'inexplitgabel.
E tgi sa sche nossa redactura vegn sezza er da communitgar cun in cunigl?
Fotografias dal tractament
-
Bild 1 von 6. Asens tracta Patrizia Plaz era da temp en temp. Qua per exempel a Schiers. Bildquelle: MAD.
-
Bild 2 von 6. Il tractament dal labrador Vaica. Bildquelle: RTR, Olivia Spinatsch.
-
Bild 3 von 6. Vaica è stancla morta suenter il tractament d'energia. Bildquelle: RTR, Olivia Spinatsch.
-
Bild 4 von 6. Il chaun bernardin Juri stat nà per ses tractament d'energia. Bildquelle: RTR, Olivia Spinatsch.
-
Bild 5 von 6. Juri ha dolurs en ils chaluns ed in problem cun in'ureglia. Bildquelle: RTR, Olivia Spinatsch.
-
Bild 6 von 6. Juri reagescha fermamain sin il contact cun Patrizia Plaz. Bildquelle: RTR, Olivia Spinatsch.
