Per onns ed annorums enconuschevan ins els be or dals films da western – ils lufs. Oz èn els qua tar nus. Actualmain populescha ina tschientina da lufs las muntognas ed apunta er las valladas grischunas. Quai metta a la prova nossa toleranza.
Entamez è Batist Spinatsch dal Plantahof. Sco responsabel principal per la protecziun da las scossas grischunas ha el da far di per di cun puras e pasturs, nursas e lufs, uffizis e leschas da protecziun.
En las dumondas filosoficas, la seria da baterladas, che la Vita e cretta preschenta tradiziunalmain durant la stad, raquinta el da quellas sfidas.
In discurs in zic pli filosofic da luf e toleranza, la vista persunala e quella professiunala, che cumenza cun la dumonda: «Signur Spinatsch, essas Vus maister en il spagat?»