RTR producescha ensemen cun la Shining Film SA la segunda seria rumantscha. Quests èn ils chaus creativs responsabels per la seria.
Adrian Perez, autur e reschissur
Adrian Perez ha scrit ensemen cun Jen Ries e Simon Nagel in script per «L’ultim Rumantsch». El è er il reschissur. Adrian Perez viva a Turitg. Suenter il studi da politica a l’Universitad da Genevra ha Adrian Perez lavurà sco tagliader tar la televisiun, ha assistì films da kino e s’è scolà vinavant en il champ audiovisual.
El realisescha passiunadamain istorgias per moniturs e tailas. Per «L’ultim Rumantsch» è el sa fatschentà per l’emprima giada en maniera profunda cun il rumantsch. El è fascinà da la «lingua secreta da la Svizra», sco ch’el la numna.
Jau hai chattà ina simpatia per a lingua rumantscha. Ella è sco ina lingua secreta da la Svizra, nua che la diversitad linguistica è gia fitg gronda. Quai è simplamain cool.
Sophie Toth, producenta
Sophia Toth è la mamma da la seria da cult «Tschugger». Ella producescha la seria per la Shining Film SA da Turitg. Sophia Toth ha studegià publicistica, scienzas da film ed istorgia economica e sociala a l’Unviersitat da Turitg. Suenter diversas experientschas en la branscha da film en Svizra ed en l'Ollanda ha ella cumenzà a lavurar il 2013 sco producenta tar Shining Film, dapi il 2020 è ella er partenaria.
Nus avain in team fitg engaschà, giuven e professiunal, che porta cun sai in'energia grondiusa ed jau sun segira, ch’i dat in resultat interessant per la cultura rumantscha.
