Sonda passada è vegnì preschenta in disc tut spezial cun blera musica populara: Traditionells – Dia urchiga Bündner ed il Jodelclub Hochwang Landquart. Quel cuntegna 20 sauts enconuschents e chanzuns – ed è vegnì realisà per sustegnair l’acziun «Bündner helfen Bündnern». Quella ha la finamira da promover projects socials e culturals en noss chantun, e da porscher agid a persunas che han basegn da sustegn. Tenor l’uffizi federal da statistica èn quai 2674 persunas o 1,4% da la populaziun grischuna che èn pertutgadas da povertad.
Da la partida tar quest project da benefizi èn 30 musicantas e musicants da diversas chapellas – e quella furmaziun sa numna «Dia urchiga Bündner». 5 musicants furman il fundament e vegnan accumpagnads da ulteriurs 25 musicants da bleras chapellas da tut il chantun: tranter auters: Arno Jehli, Paul Engler, Josias Just, Manuel Mark, Paul Strub, Thomas Buchli, Theo Ritter, Stefan Battaglia o Claudio Giger. Il resultat è in disc cun 4 chanzuns e 16 sauts enconuschents sco: Uf dr Alp, Im deckta Brünneli, Sapüner Chilbi, Drauf und dran – o Am Bündnerball in Zürich.
La musica populara dal Grischun e da la Svizra chatta ses lieu en questa emissiun.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.