-
Bild 1 von 5Legenda: Natalia Knuchel, magistra da joga a Turitg. RTR/ Astrid Alexandre -
Bild 2 von 5Legenda: Claudia Klaiss, magistra da joga en Surselva. RTR/ Astrid Alexandre
-
Bild 3 von 5Legenda: Ses origin ha il joga en l'India – là vegniva el avant millennis mo pratitgà dad umens. Keystone
-
Bild 4 von 5Legenda: En l’Europa è il joga arrivà en il decurs dal 20avel tschientaner. Qua in’emna da joga en il chantun Friburg il 1971. Keystone
-
Bild 5 von 5Legenda: Quant datiers è il joga che vegn instruì tar nus da l’origin da questa filosofia da vita? Faschain nus «joga light»? Keystone
Sch’el era avant intgins decennis anc insatge che vegniva associà ad intgins hippis a la tschertga d’illuminaziun, è il joga ozendi dapertut: managers fan joga svelt sur mezdi, per dunnas en speranza e persunas cun problems da dies datti gruppas spezialas ed el è adattà tant per uffants sco per seniors.
Danunder vegn el? Tge èn ils effects ch’el ha sin corp ed olma? Co declerar il hype ch’il joga ha il mument? È quai che vegn instruì en noss studios da joga il medem sco quai ch’ins chattava avant millennis en l’India? Quant fitg è quai che nus numnain «joga» in’appropriaziun culturala che pudess era parair «senza respect»?
A la tschertga da respostas discurra La Marella cun Natalia Knuchel (Turitg) e Claudia Klaiss (Trun), omaduas magistras da joga. Ellas raquintan da la sfida d’avair la ballantscha tranter exercizis per il corp e meditaziuns, da l’influenza da las medias socialas sin il joga, e pertge ch’i n’è insumma betg vair ch’ins stoppia avair in corp sportiv u movibel per daventar in «jogi».