Las bleras reacziuns negativas sin ella sco electricista hai dà dad umens pli vegls. Els han manegià ch’ina dunna na possia betg far questa lavur. Suenter avair terminà la lavur eran ils umens dentant tuttina cuntents, di Elena Depuoz en il Profil da RTR. Tut auter dentant las dunnas pli veglias, lezzas avevan plaschair ch’ina dunna giuvna lavura sco electricista.
Sco dunna ston ins mussar bler dapli ch’in um.
En connex cun la digitalisaziun manegia Elena Depuoz, che quella giaja bler memia spert. «Ozendi na pon ins strusch parcar l'auto senza telefonin perquai ch'ins na po betg pli pajar cun raps bluts. Quai è tut bun ed endretg, ma i dovra anc adina omaduas pussaivladads», di Elena Depuoz – ch'ha lavurà sezza per ina firma da rait da communicaziun.
Mes ami è bainprest mes schef.
Elena Depuoz cumenza en paucs dis tar la fatschenta da ses ami – sco maun dretg u era maun sanester. E lez ha pir gist il cumenzament da l'onn cumprà questa firma, che fa installaziuns electricas.
