Da quel sid, lieu magic e bramà, betg be geografic ma er metaforic, discurra ella en la baterlada estiva da la Vita e cretta.
A dretga palmas ed in citroner e sin il schanugl in tigher. Romana Ganzoni sesa sin ina pultruna sco sin ina punt da promenada dad in bastiment da vapur transatlantic. Sin la dumonda nua che ses sid saja è la resposta clera:
Mes sid è là, nua che la mar sa chatta.
Il Sid ha ella en il cor. Las muntognas dador las fanestras èn dentant engiadinaisas. Nagina cuntradicziun, sch’ins taidla tiers a Romana Ganzoni. L'Engiadina saja latinitad en muntogna. Ina spezia da prolungaziun dal sid.
Ina gallaria da curturella – cun tigher, nostalgia e Genua
-
Bild 1 von 9Legenda: Romana Ganzoni – cun Lulu a sanestra ed il sid en il cor. RTR,Isabelle Jaeger -
Bild 2 von 9Legenda: Tar mintga vair maletg dal sid tutga in tigher. RTR,Isabelle Jaeger
-
Bild 3 von 9Legenda: Per far anc in zic gust al tip da viadi da Romana Ganzoni … Genua. Keystone
-
Bild 4 von 9Legenda: E qua gist anc ina giada la vista da la Piazza Dante sin Genua. Keystone
-
Bild 5 von 9Legenda: Il Palazzo Ducale a Genua. Keystone
-
Bild 6 von 9Legenda: Il sid e l'Italia en spezial daventa suenter la guerra destinaziun da brama cuntanschibla – qua Nervi l'onn 1946. Keystone
-
Bild 7 von 9Legenda: Souvenirs dal sid – in avust 1946 sa laschan fotografar turistas e turists al mar tar Nervi, gist sper Genua. Keystone
-
Bild 8 von 9Legenda: Suenter la guerra vai amunt cun l’economia e quasi tut il nord sa renda a la Mar mediterrana – anc ina giada Nervi l'onn 1946. Keystone
-
Bild 9 von 9Legenda: Il port maritim pli datiers da la Svizra – l’onn 1932 sa prepara a Genua ina bartga da la cumpagnia Luckenbach Steamship Co. da New York per far viadi. Keystone