Onn per onn, enturn la fin da zercladur, mainan pasters austriacs var 250 arments da muvel sitg da Sent sur il Cuolmen d’Fenga. La finamira èn las pastgiras largias e frestgas da la Val Fenga. Tar quest passagi che maina sur 2’610 m.s.m. è la muaglia da viadi bunamain 10 uras. Ils arments han da passar tras flums, guauds e gondas, els van sur pastgira, grippa e naiv.
Fenga - ils maletgs tar il film
-
Bild 1 von 9. Sur il laviner. Restanzas dad in lung enviern - la muaglia ha da passar sur in laviner amez la Val Chöglias. Bildquelle: RTR.
-
Bild 2 von 9. 250 arments. Radund 250 arments da Sent (e da la bassa) passan onn per onn sur il Cuolmen d'Fenga. Bildquelle: RTR.
-
Bild 3 von 9. Il paster grond. Walter Jehle dad Ischgl (A) è il paster grond da l'Alp Fenga. Bildquelle: RTR.
-
Bild 4 von 9. Dus pasters durant la pausa. Fabian Kaiser e Stefan Wolf - dus dals pasters che mainan la muaglia da Sent en Val Fenga. Bildquelle: RTR.
-
Bild 5 von 9. Sur il Cuolmen d'Fenga. Il punct il pli aut - sin 2'610 m.s.m. è cuntanschì, il Cuolmen d'Fenga. Bildquelle: RTR.
-
Bild 6 von 9. La pausa. La bain meritada pausa enta Fenga. Bildquelle: RTR.
-
Bild 7 von 9. Arrivada tar la Heidelberger Hütte. Suenter il passagi la pausa, sin la pastgira en la Val Fenga. Bildquelle: RTR.
-
Bild 8 von 9. La pastriglia unida, ensemen cun lur chauns –. Roland, Fabian, Helmut, Tobias, Walter, Dominik e Stefan ch'han fatg il passadi cun la muaglia da Sent. Bildquelle: RTR.
-
Bild 9 von 9. La pausa. La pausa bain meritada per la muaglia enta Fenga. Bildquelle: RTR.
Ils arments che vegnan da l'Engiadina s'uneschan alura durant la stad cun passa 600 arments austriacs e furman uschia en la Val Fenga/Fimbatal ina scossa ordvart gronda. Dapi passa 40 onns da la partida sco paster è Walter Jehle dad Ischgl (A), ils davos 20 onns sco paster grond. Era per el e sia squadra è il passagi sur il Cuolmen d'Fenga mintg'onn ina pitschna aventura.
Paucs pleds – gronds maletgs
L'emissiun «Cuntrasts» da RTR ha vulì documentar filmicamain ina giada quest passagi alpester extraordinari, in passagi arcaic ed autalpin. Ensemen cun l'autur Beat Manetsch è vegnì realisà uschia il film «Fenga» en il decurs dals davos dus onns. Il resultat final è in film senza gronds pleds, ma in film che tegna la tensiun cun in lung flad visual. Ed uschia renda «Fenga» omagi a pastriglia, muaglia ed a la cuntrada muntagnarda.
Il film «Fenga» è vegn mussà ils 13-06-2019 sco premiera a Sent e silsuenter en dus parts en ils Cuntrasts sin SRF1, ils 16-06 ed ils 23-06-2019.
TR Cuntrasts 17:25