Hom Strom - L’Engiadina Bassa spetga ina buna stad

Sco usità durant la prima fin d’emna da favrer è sonda passada vegnida festivada la tradiziun da l’Hom Strom a Scuol. Perquai èn las scolaras ed ils scolars sa radunads il suentermezdi sin il «Plaz» per elavurar il strom e construir l’um da var nov meters autezza. Quel è lura vegnì envidà a las 20:00 a Gurlaina ed ha procurà per il «spectacul da fö» usità.

L’usanza cun ragischs pajaunas è da chapir sco offerta al Dieu dal sulegl per ina stad lunga e fritgaivla. E quella spetga l’Engiadina Bassa quest onn er. L’Hom Strom ha ars var ina mes’ura, quai ch'è marcantamain pli ditg che l’onn passà. 

L’Hom Strom ha quest onn ars var ina mes’ura

Hom strom

La giuventetgna da Scuol prepara onn per onn in um ord strom. L'emprima sonda dal mais da favrer sa riman lura las scolaras ed ils scolars sin la plazza cumin. Ils giuvens furneschan il strom, il uffants pli vegls chaveglian e lian il strom enturn ina pitga da lain enfin che quel è pachetà cumplainamain. Aifer insaquantas uras è la lavur stuffia fatga e l'hom strom ha ina autezza da nov meters ed è pli ch'in meter gross.

L'usit «Hom strom»

Tradiziun vegliandra

Cura ch'i cumenza a vegnir stgir vegn la figura da strom transportada sin l'autra vart da l'En e vegn là cun agid da creschids messa en pe. Enfin ch'i vegn dà fieu la saira las otg a l'hom strom vegn quel pertgirà per impedir che buobs dad autras vischnancas vegnan e dattan gia fieu ad el. Bunamain in quart d'ura è l'hom strom la finala en flommas. Quest usit è in usit per unfrir strom. Tut quai capita cun aspectaturas ed aspectaturs – ensemen vegn lura chantà chanzuns. Suenter van tuttas e tuts en silenzi a chasa, quai derasa in'atmosfera melancolica. L'usit arcaic para er anc suenter passa 2000 onns d'avair effect.