Annamaria Reinalter è naschida il 1959 a Brail. Gia da buoba cumenza ella a dissegnar sin mintga toc palpiri ch’ella chatta. En ses cudeschs da scola skizzescha ella tranter ils quints fatschas ed animals. Ils scolasts eran irritads da ses dissegns uschè divers als dissegns da tschels uffants.
-
Bild 1 von 6. Gia da buoba malegiava Annamaria Reinalter il pli gugent. Bildquelle: Archiv cultural Engiadin'Ota / RTR.
-
Bild 2 von 6. Las ovras dad Alois Carigiet eran magari model per ils maletgs da la giuvna Annamaria Reinalter. Bildquelle: Archiv cultural Engiadin'Ota / RTR.
-
Bild 3 von 6. Annamaria Reinalter ha sviluppà tut ses agen stil da dissegnar. Bildquelle: Archiv cultural Engiadin'Ota / RTR.
-
Bild 4 von 6. La vita purila è il tema principal dals maletgs dad Annamaria Reinalter. Bildquelle: Archiv cultural Engiadin'Ota / RTR.
-
Bild 5 von 6. Las persunas dissegnadas dad Annamaria Reinalter han ina expressiun particulara, prest exotica. Bildquelle: Archiv cultural Engiadin'Ota / RTR.
-
Bild 6 von 6. Annamaria Reinalter da buoba . Annamaria Reinalter da buoba . Bildquelle: RTR / Archiv cultural Engiadin'Ota.
Nagin aveva gronda fidanza en Annamaira. Paucs han chapì ella endretg, tge forza, tge artista ch’ella era.
Ils artist Alois Carigiet, Giuliano Pedretti e Konstant Könz percunter èn gia da lez temp intgantads dals dissegns da la giuvna artista. Tar ina da sias entupadas regala Alois Carigiet ad Annamaria in dissegn cun cunigls. Constant Könz gida ella 1970 da realisar il sgrafit vid la chasa paterna a Brail.
Bler memia baud mora Annamaria Reinalter, cun mo 18 onns prenda ella la vita en baselgia, gest visavi sia chasa paterna. En sia curta vita ha ella realisà passà 3'500 dissegns, tuts èn dissegnads cun stritgs fins tschentads in sper l’auter e nudads cun in simpel A.R.
Annamaria era quieta, taciturna forsa, introvertada. Ella viveva al ur.
Dapi il 2020 è ses relasch che cumpiglia sper ils dissegns era ses cudeschs, carnets da scola e sias utensils da dissegnar en il Archiv Culturel da l’Engiadin’Ota. Sco omagi a la giuvna artista ha la manadra dal archiv Dora Lardelli ed il um da camera Gian-Nicola Bass realisà il film «Annamaria – dissegns d’in mund pers».