«Las dunnas», crititgescha sora Gielia Degonda, «han da rasar ora ils tarpuns per ils umens». Intgins, raquinta la reverenda Chatrina Gaudenz «na ma taidlan betg perquai che jau sun ina dunna». E l’unica assistenta pastorala grischuna Flurina Cavegn-Tomaschett concluda: «Atgnamain desista la baselgia da tschuncanta procent potenzial, ch’è d’enturn».
Dunnas e Dieu
Malgrà questa dominanza masculina èn las trais dunnas activas en in conturn religius. E betg be quai – ellas han chattà lur via persunala ad ina vita en servetsch da Dieu.
Sora Gielia Degonda viva sco magistra d’art en la claustra ad Ingenbohl ed è daventada davent da là artista cun renum naziunal:
La sora ed artista ad Ingenbohl – Gielia Degonda
-
Bild 1 von 5Legenda: Access a Dieu cun colur, rispli e crida – anc oz lavura sor Gielia Degonda di per di en ses atelier sut il tetg da la claustra ad Ingenbohl. RTR -
Bild 2 von 5Legenda: Ir en claustra ed instruir art en la scola claustrala – uschia ha Gielia Degonda chattà per sasez in segn en la vita. RTR
-
Bild 3 von 5Legenda: «Sco in’ura da religiun» – l’instrucziun d’art signifitgava per sora Gielia activar las agenas forzas creativas da sias scolaras. RTR
-
Bild 4 von 5Legenda: Artista cun renum naziunal – sper sia lavur sco magistra d’art ha ella fatg ina carriera en il mund d’art. RTR
-
Bild 5 von 5Legenda: En claustra, dentant betg giu dil mund – ensemen cun sias consoras s’occupa enra Gielia Degonda cun l’avegnir da las dunnas en baselgia. RTR
Chatrina Gaudenz è la pli giuvna dad ina dinastia da reverendas engiadinais e l’emprima dunna en famiglia ch’è daventada reverenda:
La reverenda a Turitg – Chatrina Gaudenz
-
Bild 1 von 5Legenda: Chatrina Gaudenz deriva dad ina dinastia da reverendas – ed ella è daventada l’emprima dunna da la famiglia en quella professiun. RTR
-
Bild 2 von 5Legenda: Viver en relaziuns, betg sin fundament da dogmas – quai è per Chatrina Gaudenz la basa da sia lavur sco reverenda. RTR
-
Bild 3 von 5Legenda: Il center da sia plaiv è la baselgia Fluntern – la via amez Turitg era er ina via d’emancipaziun, quinta Chatrina Gaudenz. RTR
-
Bild 4 von 5Legenda: Sustegn en la litteratura – la biblioteca da teologia feminista da sia antecessura sustegna a Chatrina Gaudenz en sia lavur. RTR
-
Bild 5 von 5Legenda: “Els na ma taidlan perquai che jau sun ina dunna” – er en la baselgia refurmada n’èn las dunnas ordinadas betg bainvesidas dapertut. RTR
La teologa Flurina Cavegn-Tomaschett sa deditga suenter sia lavur da master sco assistenta pastorala a la tgira dad olmas a Glion:
L'assistenta pastorala – Flurina Cavegn-Tomaschett
-
Bild 1 von 5Legenda: Activa a Glion e conturns – la teologa studegiada fa tgira dad olmas cun corp ed olma, cor e chau. RTR
-
Bild 2 von 5Legenda: Dar ina fatscha pli feminina a la baselgia – quai è ina da las motivaziuns centralas da Flurina Cavegn-Tomaschett per far sia lavur. RTR
-
Bild 3 von 5Legenda: Flurina Cavegn-Tomaschett dastga battegiar – grazia ad in permiss individual da l’uvestg Joseph Maria da Cuira. RTR
-
Bild 4 von 5Legenda: Las dunnas savessan surpigliar dapli cumpetenzas en baselgia – desister da las dunnas signifitga desister da 50% potenzial, di Flurina Cavegn-Tomaschett. RTR
-
Bild 5 von 5Legenda: “Dagut a dagut fa puz” tenor questa persvasiun s’engascha Flurina Cavegn-Tomaschett per transmidar la baselgia da dadens ora. RTR
Ils Cuntrasts cun trais dunnas e trais perspectivas sin ina tematica: La dominanza masculina en il mund religius.
L’istorgia cun la pussanza – intgins impuls en lingias grassas
-
Bild 1 von 6Legenda: Dieu è in um vegl cun barba – dapi tschientaners dominescha quest maletg da Dieu l’istorgia da la religiun e da sia percepziun. RTR
-
Bild 2 von 6Legenda: Sco in tschiel er sin terra – sche Dieu è in um daco stuessan lura betg avair er sin terra ils umens la pussanza enta maun. RTR
-
Bild 3 von 6Legenda: La pussanza è francada fermamain en in maun – e quel maun è tenor scrittiras, maletgs e percepziuns generalas anc adina en emprima lingia in maun masculin. RTR
-
Bild 4 von 6Legenda: Er scriver las scrittiras sontgas era ed è en maun masculin – cun quai che las societads dominantas mundialmain èn societads patriarcalas. RTR
-
Bild 5 von 6Legenda: Perquai n'è il resultat betg ina surpraisa: Ils umens han prendì sez enta maun la clav tar la pussanza. RTR
-
Bild 6 von 6Legenda: Dentant – nua restan las dunnas? Na desista la baselgia betg da 50% potenzial, co che Flurina Cavegn-Tomaschett di? RTR