Sin il palpiri pudess ins pensar che Flurin Camathias ed Alfons Tuor hajan vivì ina vita parallela: els èn naschids il medem onn ed èn creschids si en in vitg puril da la Surselva. Omadus èn ids davent da chasa per far il gimnasi ed han lura studegià per in temp en in lieu nua ch’i vegniva discurrì franzos. Omadus èn auturs da lirica ed omadus èn s’engaschads per il mantegniment dal rumantsch.
Mo è propi tut ì uschè parallel sco quai ch’i para?
Tge è tipic per Camathias e tge per Tuor?
Pertge ha Tuor cumenzà a far notizias en in carnet entitulà «schlet rumantsch da Camathias»?
Pertge èn las chanzuns religiusas da Tuor stadas in «flop» e quellas da Camathias in «hit»?
Co tunan las novas chanzuns per chor che Gion Andrea Casanova ha cumponì cun poesias da Flurin Camathias?
Pertge ha Remo Arpagaus cumenzà cataloghisar las poesias da Camathias?
E tge vuleva Alfons Tuor ussa propi scriver; «caras steilas» ubain «claras steilas»?
Cun Renzo Caduff (noss expert en chaussa Alfons Tuor), Remo Arpagaus (ch’ha cataloghisà las poesias da Flurin Camathias) e Rico Valär (professur da litteratura e cultura rumantscha a Turitg) avain nus endament da questas dumondas.
Tut las poesias en las contribuziuns èn legidas da Rosvita Barenius Scherrer.
«La sera sper il lag»
Jau na lascha betg valair che quai saja mia pli bella chanzun
«Allas steilas»
Ussa sai jau sch'el ha scrit «charas» ubain «claras» stailas
3 novas chanzuns da Gion Andrea Casanova
Las novas chanzuns èn tuttas trais miaivlas. Softdrinks, per uschè dir!
Remo Arpagaus e la glista d'Excel
Intginas chaussas èn spir kitsch da prers
La plima gizza d'Alfons Tuor
Tratgs da sabiut sto el schon avair gì
Alfons e Flurin e las ditgas popularas
Las «historias dil Munt s.Gieri» èn quasi las «1001 notgs» rumantschas
Alfons e Flurin e la cardientscha
El era prer catolic, catolic, catolic
Alfons e Flurin ed il rumantsch
Ch’i saja da s’engaschar per il rumantsch emprendan els gia da giuven
Alfons e Flurin e la patria
En sia lirica cultivescha Tuor il stereotip dal laschar encrescher. Sia biografia mussa dentant in giuven che vuleva ir en l’ester.
