Clic - Psicologia d'animals – Tut per il giat?

In grond giavisch da bleras possessuras e da blers possessurs d'animals è segiramain da savair tge che lur animals da chasa pensan. Er sche scienziads da cumportament d'animals lavuran gia durant tschientaners vi da chapir meglier els, sch'igl è il pli bler betg anc cler a nus, e l'interpretar da lur cumport resta per gronda part speculaziun.

E tuttina datti adina dapli curants d'animals che pretendan ch'i possian chapir ils animals ed era curar problems psicics e socials tar els. I dat chinesiologs d'animals, psicoterapeuts d'animals, communicaturs d'animals; praticamain per mintga furma da terapia alternativa ch'ins po applitgar tar l'uman datti er il pendant animal. Il punct da vista scientific na sa lascha dentant anc betg cumprovar ina da questas furmas da terapia alternativas. Ultra da quai na datti – sper il veterinari classic – naginas designaziuns professiunalas protegidas giuridicamain per guariturs alternativs.

Protagonista e protagonists

È quai insumma legal ed a partir da cura po quai daventar privlus per in animal? Quai hai jau vulì chattar ora en mes film. Era jau sun possessur da dus giats. Lur relaziun è dentant fitg difficila ed i dat fitg savens cumbats e dispitas.

Sch'igl è gartegià da schliar quel problem cun agid da la chinesiologia d'animals e tge che la scienza e la lescha di latiers vesais vus en mes «Clic».