Nossa cuschina - Sirup da vaniglia-oranscha | Vanille-Orangen Sirup

Sirup da vaniglia-oranscha | Vanille-Orangen Sirup

ca. 1 liter sirup

temp da preparaziun: 15 minutas; temp da coier: 30 minutas

Qua pudais Vus telechargiar l'etichetta ed il recept

  Ingredienzas

• 20 oranschas sucusas (ubain 1,5 liters suc d'oranschas)
• 2 citronas
• 400 g zutger
• 2 scorsas-chanella
• 2 neghels
• 2 anis stailads
• pulpa d'ina bagiauna da vaniglia

Preparaziun

• Far permez las oranschas e citronas, las struclar a maun u cun agid d'ina pressa da sucs. Per noss sirup duvrain nus ca. 1,5 liters suc.
• Svidar il suc tras in culin en ina gronda padella.
• Agiuntar il zutger, la pulpa d'ina bagiauna da vaniglia e las ulteriuras spezarias. Laschar coier levamain la maschaida ca. 30 minutas fin che circa in terz dal liquid è svapurà. Truschar da temp en temp.
• Sterilisar entant la(s) buttiglia(s) cun las metter ca. 10 minutas en il furnel stgaudà sin 150 grads ubain las coier curtamain en aua buglienta. P.pl. stgaudar parts da plastic sco p.ex. il viertgel mo en l'aua e betg en il furnel!
• Emplenir il sirup buglient en la(s) buttiglia(s) chauda(s) e la(s) serrar.
• Tenor gust: stampar u scriver a maun la(s) etichetta(s) correspundenta(s) e la(s) fermar cun in bindel vi da la(s) buttiglia(s).