temp da preparaziun: ca. 15 minutas
temp da sfradentar: almain 4 uras
per 6 purziuns
Recept per telechargiar | Rezept zum Nachkochen
Ingredienzas
- 6 kakis pitschens u fritgs sharon (madirs, però betg memia loms)
- 200 g tschigulatta dultschamara da buna qualitad
- 400 g groma
Preparaziun
- Stgaudar la groma en ina padella, però betg la coier.
- Manizzar la tschigulatta dultschamara e l'agiuntar a la groma chauda. Truschar bain, laschar vegnir fraida la maschaida a temperatura da stanza, silsuenter la sfradentar almain 3-4 uras en frestgera. Truschar da temp en temp.
- Sbatter curtamain la maschaida da groma e tschigulatta fitg fraida cun in scuet enfin ch'ella è stgimusa.
- Emplenir la mousse en in satget da squittar cun ina bucchetta mez gronda (ca. 0,6 cm) ed al metter en frestgera.
- Lavar ils kakis curt avant che servir els ed als tagliar cun in bun cuntè per lung en 3-4 talgias gulivas. Tampunar ils tagls cun in palpiri da cuschina.
- Ils kakis pon, na ston però betg vegnir spaletschads.
- Cun tagliar giu in zic sutvart na balluccan ils kakis betg.
- Sprizzar la mousse da tschigulatta sin las talgias da kaki e las mantunar. Servir immediat.