Cun in'egliada davos las culissas survegnis impressiuns davart ils differents pass ch'eran necessaris da crear il remix Chalandadrill. In project ch'è stà collià cun gronds dubis, oravant tut al cumenzament, è a la fin sa preschentà sco «Gnanc aschi schliet» – sco Flavio Tuor, producent da musica tar RTR, manegia.
La naiv svanescha, las fluras creschan, igl è chalandamarz. Ma las mattas na dastgan anc adina betg purtar stgellas en tuttas regiuns. Perquai vul il remix tranter auter far attent sin la problematica da la inegualitad en la societad.