En la politica han ins dapli terradas che victorias, di la politicra Beatrice Baselgia da Domat en Vita e cretta. Perquai na muntia quai per ella betg propi bler.
Il fundament da pudair far politica è da pudair perder.
Terradas tutgan tar la vita e per ella saja quai l’energia da cuntinuar. Ella saja spezialista da dir ch’i saja schon bun, era sch’ella sperdia ina giada. Quai saja gist il mument da cuntinuar auter. Ma ella midia betg sias finamiras, quellas restian.
Il conturn ha ina fitg gronda influenza sin tgi ch’ins è.
La definiziun tgi ch’ella saja, vegnia plitost da la glieud enturn ella, di Beatrice Baselgia. Ella sentia tras las reacziuns dad autras persunas tgi ch’ella saja. Ed ella haja empruvà dad influenzar quai tras sias reacziuns. Ella na possia gea betg be far chaussas che auters spetgan dad ella.
Jau sent entras mes fegls quant impurtant ch’igl è dad ir l’atgna via.
