En l'Artg musical datti oz ina festa da musica instrumentala da duas uras. En in’emissiun communabla ensemen cun la SRF Musikwelle vegnin perditga che la scena da la musica instrumentala viva vinavant era sche la pandemia ha chaschunà bia pensiers.
I dat da tadlar musica instrumentala ord diversas spartas e vus emprendais d’enconuscher giuvens talents. Mes collega da moderaziun da la SRF Musikwelle, Roman Portmann, ha era visità duas societads da musica directamain en lur local d’emprova, cunquai che las mesiras da corona n'han betg lubì ad ellas da vegnir en il studio a Turitg. En l'emissiun preschentain nus las tschintg furmaziuns e faschain er intervistas.
Envidada a l'emissiun è er stada Luana Menoud-Baldi, la presidenta da l'Uniun svizra da musica. Cun ella avain nus pudì discurrer davart las consequenzas da la pandemia sin las societads da musica e tge che l'USM po far per sustegnair la scena da musica instrumentala svizra.
1 / 11
Legenda:
Las trais furmaziuns pitschnas han sunà sin la tribuna dal studio 1 a Turitg
SRF
2 / 11
Legenda:
Il moderatur Hugo Schär fa l'intervista cun Simon Gabriel, il pli giuven commember da MOTRE.
SRF
3 / 11
Legenda:
MOTRE en acziun: (da san.) Simon Gabriel, Gian Duri Gabriel, Flavia Castillo e Janic Sendlhofer
SRF
4 / 11
Legenda:
La presidenta dal SBV, Luana Menoud Baldi en l'intervista cun Hugo Schär.
SRF
5 / 11
Legenda:
La societad da musica Frohsinn Oberburg en ses local d'emprova.
SRF
6 / 11
Legenda:
Il moderatur Roman Portmann fa l'intervista cun Andrin Lüchinger che suna il cimbasso.
SRF
7 / 11
Legenda:
Rex Quintett: (da san.) Philipp Färber, Benjamin Frei, Anton Fetz, René Lei ed Andrin Lüchinger.
SRF
8 / 11
Legenda:
Kapelle Walter Grimm: (da san.) Urs Krienbühl, Walter Grimm, Oski Della Torre e Martin Suter
SRF
9 / 11
Legenda:
Il moderatur RTR discurra cun Walter Grimm
SRF
10 / 11
Legenda:
La Spielgemeinschaft Hohentengen-Kaiserstuhl sa prepara per la registraziun.
SRF
11 / 11
Legenda:
Hugo Schär da RTR e Roman Portmann da SRF Musikwelle han moderà l'emissiun communabla.
SRF
Las furmaziuns
Per l'emissiun communabla ha Roman Portmann envidà diversas furmaziuns. RTR ha pudì vegnir cun ina furmaziun ospitanta ed ha envidà il quartet da trumbettas da l'Engiadin'Auta, MOTRE. La giuvna ed ils giuvens han inchantà las autras furmaziuns.
MOTRE
Avrir la boxSerrar la box
Legenda:
Da san. Simon e Gian Duri Gabriel, Flavia Castillo, Janic Sendlhofer
SRF
munta Musikschule Oberengadin Trompeten Ensemble. Quel exista dapi il 2016. Al cumenzament eran quai ils fargliuns Simon e Gian Duri Gabriel ed ils fargliuns Janic e Noa Sendlhofer. Dapi quest avust remplazza Flavia Castillo il Noa Sendlhofer. Anton Ludwig Wilhalm è manader musical.
Rex Quintett
Avrir la boxSerrar la box
Legenda:
Da san.: Philipp Färber, Benjamin Frei, Anton Fetz, René Lei ed Andrin Lüchinger
MAD
Il quintet da la Svizra orientala suna melodias ord differentas spartas, dovran sco fundament dentant adina il stil da Oberkrain.
Capella Walter Grimm
Avrir la boxSerrar la box
Legenda:
Da san.: Oski Della Torre, Martin Suter, Walter Grimm, Urs Krienbühl
MAD
Walter Grimm ha in'atgna fatschenta da musica ed ha da far bler cun musica instrumentala. Sia furmaziun suna però il stil da musica populara. Grimm sez suna savens clarinetta dentant er il sopran-saxofon.
Musica Frohsinn Oberburg
Avrir la boxSerrar la box
Legenda:
La societad da musica Frohsinn Oberburg.
MAD
La societad da musica suna en furmaziun da Brass Band e sa participescha regularmain er a concurrenzas e festas da musica. Dirigent è Jan Müller.
Spielgemeinschaft Hohentengen-Kaiserstuhl
Avrir la boxSerrar la box
Legenda:
La cuminanza da sunar Hohentengen-Kaiserstuhl.
MAD, Katrin Walter
La societad da musica suna en furmaziun da musica d'armonia. Il spezial vid ella è ch'ella è in'uniun sur cunfin. La musica è fusiunada tranter la societad da musica Hohentengen (Germania) e quella da Kaiserstuhl (AG). Dirigent è Manuel Wagner.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.