Ei dat er caussas ch'ins sa buca dir cun plaids, forsa mo cun tuns, culs plaids dalla musica, cul lungatg digl art, scriva Arnold Spescha insanua. E lavurar cun il linguatg sappia mintgina, mintgin – bain u mal! Cumponer dentant dovri la maitrise dal mastergn, scolaziun! En trais Artgs musicals emprov jau da savischinà ad Arnold Spescha – il poet. El terz e davos discurra el da vocals e consonants e dals misteris da la sonoritad da la lingua rumantscha. Ed el raquinta l'istorgia da sia emprima e davosa cumposiziun, in Ave Maria. Arnold numna questa cumposiziun in «puccau da giuventetgna. Denton seigien ils puccaus da giuventetgna buca ils menders ch'ins fetschi!» Nus tadlain sa chapescha quest Ave Maria ed autras chanzuns cun pleds dal poet da Pigniu che ha festivà ils 13 da zercladur ses 80avel. I sa tracta dad ina repetiziun dals 06-06-2021.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.