L_MAR
Il novavel Top Pop Rumantsch ans lascha redudir ina da las pli marcantas vuschs dal rock rumantsch: Elmar Deflorin (Ex-HADES) sgratta cun sia gruppa actuala L_MAR in pau vi dal mythos da la party sempiterna. «Tut ei cool, tut ei läss, tut ei mega» - uschia cumenza la chanzun, ed ins s'accorscha immediat, che quai n'è betg manegià en senn positiv. «Adrenalin» è la chanzun dad insatgi ch'è unfis da la buna luna sempiterna, dal sauglattismus infinit. Il chantant è dentant enconuschent per sias colurs differenziadas, ed il pli tard nua ch'el recloma «jeu hai bu pli flad» san ins che quella critica cuntegna in bel trantertun auto-ironic. Elmar Deflorin, cun ses 50 onns in dals veterans da la scena rumantscha, sa precis che ses flaivel entusiassem per la gronda party ha magari er da far insatge cun la vegliadetgna. La chanzun sezza flada dentant surprendenta aria frestga. La gruppa da rock L_MAR - cun Thomas Gloor a las ghitarras, Benjamin Tanner al bass e Thomas Wild (da la Schmetterband!) a la batteria - è vegnida da crear in'amosfera plain tensiun, cumbinond ina battida meccanica cun in sun detg transparent. In rock modern dad ozendi - il novavel Top Pop Rumantsch «Adrenalin».
Realisaziun
Cumposiziun: L_MAR; Roman Camenzind
Text: Elmar Deflorin
Producziun: Manfred Zazzi, L_MAR
Text da la chanzun: Adrenalin
Tut ei läss
Tut ei mega
Neginas damondas
Po buc far bia quitaus
Adina luc
Adina tut
Sur controla
Tut ei schi legher
Mai calar si da rir
Il mund ei nars
Il temps ei rars
Tuts che battan
Jeu stoi buc ver
Mintgadi party
Mintgadi in niev kick
Mintgadi adrenalin
Jeu hai buc pli flad
Propi buc pli flad
Tut ei cool
Tut ei läss
Tut ei mega
Neginas rispostas
Maina esser surstaus
Adina spass
Adina crass
Tut geilira
Trasò mo gaudi
Jeu entscheivel a grir
Il mund ei nars
Il temps ei rars
Tuts che battan
Jeu stoi buc ver
Mintgadi party
Mintgadi in niev kick
Mintgadi adrenalin
Jeu stoi buca ver
Tuts quels ch'han
Mintgadi party
Mintgadi in niev kick
Mintgadi adrenalin
Jeu hai buc pli flad
Propi buc pli flad