-
Bild 1 von 7. In pitschen team da producziun da RTR ha fatg in gir tras las unitads da la SRG SRR e registrà las lecziuns da #100minutasrumantsch. Bildquelle: Orlando Cadonau.
-
Bild 2 von 7. Cun las moderaturas ed ils moderaturs da la Svizra franzosa ha la registraziun gì lieu a Genevra en il bajetg da RTS. Bildquelle: Orlando Cadonau.
-
Bild 3 von 7. A Lugano han ils responsabels da RSI perfin mess a disposiziun bancs da scola. Las producziuns ha gia lieu la primavaira 2019 a Turitg, Lugano e Genevra. Bildquelle: Orlando Cadonau.
-
Bild 4 von 7. Dapertut, sco qua a Turitg, è vegni filmà cun il nov sistem «Just in Case». Quel pussibilitescha ina simpla registraziun cun trais glischs e trais telefonins. Bildquelle: Orlando Cadonau.
-
Bild 5 von 7. Flavio Deflorin ha mintgamai fatg la reschia live al lieu. Bildquelle: Orlando Cadonau.
-
Bild 6 von 7. Manà tras las lecziuns ha l'actura Sara Francesca Hermann. Bildquelle: Orlando Cadonau.
-
Bild 7 von 7. L'anteriura scolasta è creschida si a Samedan e discurra rumantsch, tudestg, talian e franzos. Bildquelle: Orlando Cadonau.
La gronda part dals Svizzers e da las Svizras sa duas, mintgatant er trais linguas. Almain in zic. Ma rumantsch, quai na sa nagin. U mo quels ch’èn naschids u che vivan en la Rumantschia. La realitad è pia ch’ils Rumantschs e las Rumantschas ston adina s’adattar, discurrer las linguas dals auters.
Quai sto sa midar, avain nus pensà, ed avain envidà 12 persunas, tuts moderaturs e moderaturas da la SRG SSR, d’emprender rumantsch. En 100 minutas han els emprendì da la dunna magistra Sara Francesca Hermann ils emprims pleds, da dumbrar sin 10, da pronunziar endretg simpels nums sco Cinuos-chel e S-chanf, ubain da chapir pitschnas istorgias. Sa chapescha ch’il chantar chanzuns popularas gioga er ina rolla principala en quellas lecziuns.
Las protagonistas ed ils protagonists:
- Philippe Gerber, moderatur radio SRF3
- Sibylle Eberle, moderatura SRF «Sportaktuell»
- Sven Epiney, moderatur radio SRF1
- Susanne Wille, moderatura SRF «10vor10»
- Tania Chytil, moderatura RTS «Découverte»
- Alexis Favre, moderatur RTS «Infrarouge»
- Vincent Kucholl, satiricher RTS «120 minutes»
- Isabelle Moncada, moderatura RTS «36.9°»
- Lorenzo Mammone, moderatur RSI «Patti chiari»
- Francesca Mandelli, moderatura RSI novitads
- Alain Melchionda, moderatur RSI «Quotidiano»
- Carla Norghauer, moderatura radio RSI «Domenica in comune»